E teksa edicioni i tretë i “Big Brother VIP” Albania po afron, në media prej javësh po qarkullojnë lajme se moderatorja e këtij ‘reality show’ nuk do të jetë Arbana Osmani.
Së fundmi producentja e “Big Brother VIP” Albania Sara Hoxha ka publikuar një foto në rrjetin e saj social Instagram nga studiot e “Grande Fratello” në Itali. Vitin e kaluar ishte Arbana Osmani dhe, partneri i saj dhe njëkohësisht regjisor i BBV, Eduart Grishaj, që vizituan studiot e ‘reality show’ në shtetin fqinj.
Nuk dihet përse Sara ka vizituar studiot e “Grande Fratello” dhe se si do të lidhet me BBV3, por me sa duket para nisjes së spektaklit, kjo është një vizitë e përhershme që këtë vit është bërë nga vet Sara Hoxha.
