Sikurse “XL Social Media” ju ka konfirmuar më parë, as Eduart Grishaj nuk do të jetë pjesë e këtij edicioni të BBV, ndërsa vendi i tij është zëvendësuar nga regjisori Ergys Lubonja, i cili është edhe regjisor i DWTS.
Tashmë ky lajm është konfirmuar edhe nga vet “Top-Channel”, të cilët kanë zhvilluar një intervistë të shkurtës me regjisorin gjatë edicionit informativ.
Ergys Lubonja ka treguar disa nga detajet teknike të këtij sezoni, ku ka thënë se është rritur edhe më shumë investimi në teknologji.
“Ka shumë të reja teknologjike. Duke filluar nga numri i kamerave që është mbi 100. Stafi teknik dhe drejtori teknik kanë bërë një punë të shkëlqyer në mënyrën sesi do të jetë vendosja e këtyre kamerave. Gjithashtu kemi një sistem të ri ‘intercom’ dhe mikrofona të fshehur nëpër shtëpi”- tha ndër të tjera Lubonja.
