Ende pa kaluar 48 orë nga nisja e spektaklit më të ndjekur Big Brother Vip 3, në shtëpinë më të famshme kanë nisur intrigat, debatet dhe aleancat mes banorëve.
‘Prime’ i ditës së nesërme premton spektakël. Ashtu sikurse u paralajmërua natën e parë, nesër shtëpisë do t’i shtohen 6 banorë të rinj, personazhe VIP nga fusha të ndryshme, për të çuar kështu në 24 numrin total të banorëve që do vijojnë me lojën në shtëpi.
Deri tani nga 6 banorët që do hyjnë në shtëpi ditën e nesërme, vetëm Arta Kabashi e ka konfirmuar pjesëmarrjen e saj në BBV përmes postimeve në Instastory, ndërsa nuk dihet ende nëse Bardhi do të bëhet nesër pjesë e shtëpisë ashtu sikurse lajmëroi në koncertin e tij, apo është penalizuar nga produksioni për këtë arsye. Nga ana tjetër nëpër media është konfirmuar edhe emri i Olsi Bylykut dhe po ashtu aktorja Cubi Metka e ka pohuar (deri diku) hyrjen e saj në BBV3.
Aktualisht në BBV3 janë 18 banorë të cilët kanë ndezur debate ende pa u njohur me njëri-tjetrin. Rikja është përplasur me Julin dhe Gazin, Roza Lati me Ledjonën, Egla me Ilnisën, por jo vetëm.
