BBV ka vendosur një lojë për banorët, ku duhet t’i vendosnin njëri-tjetrit epitete. Ka qenë pikërisht kjo lojë që ka ‘ndezur’ debatin mes Erjolës dhe Rozës, pasi kjo e fundit i vendosi epitetin “e pamoralshme”, të cilën Erjola e mori personale nisur nga fakti që nuk njihen ende me njëra-tjetrën.
Më pas, Erjola i ktheu epitetin Rozës, duke iu drejtuar banorëve se nuk ka asgjë personale, përveç Rozës.
Pas lojës, Roza i ka kërkuar falje Erjolës gjë që kjo e fundit nuk e ka pranuar dhe është shprehur me fjalët “Kemi sulm të hapur bashkë”.
Duke folur me banorët e tjerë, Erjola është shprehur se Roza e ka bërë ‘faktor’ në shtëpi me atë veprim dhe se nuk mund të shprehej ashtu një person që mbron kauza feministe, duke krijuar kështu menjëherë ‘armiqësinë’ e parë mes vajzave.
