Në një intervistë ditën e sotme për Wake Up, Bledi Mane ka treguar sa fitojnë në muaj, nga postimet, reklamat apo koncertet disa nga ish-banorët e “BBV”, të cilët sipas tij janë 6 të fuqishmit sot, të cilët janë kthyer në “milionerët e rinj në qytet”.
Këtë informacion ai u shpreh se e ka pasi ka komunikim dhe bisedon me ish-banorët, përpos faktit që është gazetar.
“Listën natyrisht e kryeson Luiz Ejlli, statistikat tregojnë se ai fiton në muaj rreth 100 mijë euro, duke përfshirë kontratat komerciale, imazh i bizneseve të ndryshme, postimet në rrjetet e tij sociale, kontratat me koncertet, natyrisht projektet e tjera, filmat,”-tha Bledi.
Për të vazhduar më pas me Maestron, Bledi tha : “Maestro është goxha aktiv. Ka goxha ftesa.Maestron mund ta ftosh me 5-7 milionë lekë të vjetra. Pra me Maestron flet, komunikon, nuk ka barriera. Pastaj di të këndojë këngën popullore dhe klasike, është aktor. Maestro e mbyll me gati 15-17 mijë euro.
Një tjetër personazh befasues është Jori. Një njeri që bën lekë pa folur. Merr Beniadën dhe ecën, e ndërkohë është tag-u i një hoteli. Domethënë Jori është personazh i dashur.
Jori bën lekë në heshtje. Jori vjen nga Italia dhe ndoshta ka përvojë në modeling dhe çështje komerciale. Ka raste që muaji mund t’i ketë vajtur 20 mijë euro.
Efi është një tjetër vajzë që prodhon para, gati-gati si Jori, por një shkallë më poshtë. Efi ka zënë atë qoshen aty në këtë vapë të madhe, aty te hija. Nuk po e angazhon veten qoftë nëpër debate, qoftë nëpër programe. Si duket ka nevojë për të reflektuar. Refuzon ftesat. Por në rrjetet sociale ajo di të bëjë lekë. Efi arrin 12 mijë euro,”-tha Mane për Efin.
Sigurisht, një ndër personazhet e fuqishëm sipas Bled Manes, është dhe ai vet, por në vend të fundit. “Promovoj njerëz dhe vende, por pa lekë. Nuk u futa në BB që të dal në TV, pasi kam një jetë aktive në media. Lekët i dua, por një njeri i zgjuar gjen mënyra të tjera për të fituar. Kam një portal, jam pjesë e “E diell” si dhe projektet e mia, një organizatë joqeveritare. “- ka treguar gazetari Bled Mane.
