Goditjet me sende të forta ndaj këngëtarëve janë kthyer në trend kohët e fundit. Pas goditjes ndaj, Bebe Rexhës, Cardi B, Ava Max, etj., diçka e tillë i ka ndodhur edhe artistëve shqiptarë.
Pak ditë më parë, në një koncert në një club në Tiranë, reperi Noizy u tentua që të goditej me një shishe shampanje.
Po ashtu një incident i ka ndodhur edhe reperit tjetër MC Kresha mbrëmjen e djeshme. I ftuar në një club në Drenas bashkë me mikun e tij Lyrical Son, MC Kresha është goditur me një çakmak.
I revoltuar ai tha se kjo nuk është mënyra e duhur për të shprehur dashurinë ndaj artistit dhe ka ndërprerë performancën duke u larguar.
“Nëse doni t’i kallxoni artistit dashuri duke i quajtur me shkrepsë, faleminderit. Nëse mendoni se kemi ardhur për pare me ju këndu, ne kemi ardhur përpara me ju këndu. Faleminderit”- tha MC Kresha i revoltuar, i cili menjëherë la mikrofonin dhe skenën dhe pas tij shkoi dhe Lyrical Son.
Video e plotë e momentit….
