Festa e Capitalit për koncertin e madh “Time Capsule 2” që do të mbahet më datë 11, bëri bashkë shumë personazhe të njohur të ekranit, mes tyre dhe Adrola Dushi.
Sigurisht, vëmendjen më të madhe e mori modelja, me praninë e saj në festë. Gjatë gjithë festës, burimet për “XL Social Media” treguan se Adrola ishte sjellë si një “zonjë e vërtetë shtëpie” duke respektuar të gjithë të pranishmit në emër të reperit, disa prej momenteve të cilat i ka ndarë edhe në Instagram.
Mirëpo, ndjekësit vunë re që në fotot e Adrolës mungonte një foto me të ‘zotin’ e festës, vet Capitalin dhe për këtë i kanë kërkuar “llogari” modeles.
“E pse me Capitalin nuk ke bërë foto?” – shkruan ndjekësja, të cilës Adrola iu përgjigj duke i thënë “Këtë pyetje i bëra vetes tani që pash fotot”
Pak e habitshme, pasi të gjithë të pranishmit kanë bërë foto me Capitalin, duke qenë se ishte festa e tij, ndërsa Adrola ka bërë foto me të gjithë, përveç reperit. Ndoshta çifti thjesht nuk do të ndajë foto për momentin, edhe pse komenti i Capitalit nuk ka munguar në postimin e Adrolës.
