Ditën e djeshme, Noizy ka mbajtur koncertin e tij të dytë recital “Alpha2” , ku ka qenë të ftuar shumë artistë e miq të tij, të cilët kanë performuar në skenë bashkëpunimet me reperin si dhe këngët e tyre.
Emra si Elvana Gjata, Ledri Vula, Ylli Limani, Era Istrefi, Stresi, Elgit Doda etj, kanë dhuruar një mbrëmje plot emocione në stadiumin “Air Albania”.
Mirëpo direkt pas koncertit, Fifi ka postuar një video me një nga këngët hit të Flor Mumajesit “Playback” , ku shkruan “pjesën e preferuar” të këngës
“Hiç mos u meno a ke a nuk ke zo, veç bëj kujdes Live ti mos kno” . Gjithashtu, Fifi i ka kërkuar “leje” Flor Mumajesit për t’a bërë remake këngën.
Kujtojmë se Flori dhe Fifi kanë një miqësi të ngushtë me njëri-tjetrin dhe se dikur kjo këngë u tha se iu dedikua Elvana Gjatës, e cila ishte e ftuar mbrëmë në koncertin e Noizyt.
A është kjo një “kunjë” për Elvanën? Apo për dikë të tjetër në koncert? Apo për të gjithë artistët që këndojnë “playback” ? Këtë nuk e dimë, por ajo që mund të themi është që dukshëm Fifi nuk e zgjodhi rastësisht këtë moment për të publikuar postimin.
