Më 11 gusht në Prishtinë, do të mbahet koncerti i Capital T “Time Capsule 2”.
Edhe në këtë koncert veç reperit, do të performojnë edhe shumë artistë të tjerë kombëtarë dhe ndërkombëtarë.
Një ndër to edhe Akon. Po e dëgjuat mirë!! Këngëtari i hiteve ikonike si “Right now”, “Smack that”, “Lonely” e shumë të tjera, do të ngjitet në skenën e “Time Capsule 2” për të suportuar Capitalin. Lajmin e bëri me dije vet reperi.
“Më bën vërtet të lumtur të mirëpres një legjendë të gjallë në vendlindjen time, në koncertin tim,”-shkroi në Instagram reperi.
Në mesin e një prej turneve të tij legjendarë në Europë, Akon pranoi ftesën për të ardhur në Prishtinë në Time Capsule II. Përpos faktit që është këngëtar i kalibrit botëror, Akon është një producent i shkëlqyer dhe filantrop i rrallë.
