Capital T ka mbajtur koncertin “Time Capsule 2” në Prishtinë – koncert që shënoi kulmin e karrierës së tij deri më tani. Mes performancës live të reperit, pjesëmarrjen e shumë artistëve të dashur për publikun, si dhe yllit ndërkombëtat Akon, Capital i ngriti koncertet në Kosovë në një tjetër nivel, duke shënuar kështu një sukses më shumë në karrierën e tij.
Mirëpo si gjithmonë, është një grup njerëzish që besonin se nuk do ia dilte, dhe se koncerti në Kosovë do rezultonte një dështim i paparë, pasi sipas komentuesit Prishtina nuk ka as kapacitetin as logjistikën për të zhvilluar koncerte të përmasave që Capital T përmendi për shumë kohë me radhë.
E me sa duket, këto komente i kanë bërë mirë Capitalit, pasi ai tregoi se i kishte ruajtur këto komente, vetëm për t’iu treguar më pas që ishin gabim dhe kështu ishte , pasi “Time Capsule 2” rezultoi shumë i suksesshëm.
“Besoni te vetja dhe mbani afër njerëz që besojnë te ju. Këto komente ruajini kështu si unë, që t’i vërtetoni që janë gabim këto krijesa” – shkruan Capitali në një postim në Instastory, ku ka postuar komentet negative para koncertit.
Gjithashtu, reperi nuk ka lënë pa falenderuar ata që e kanë mbështetur gjithnjë. “Po mbështetjen e gjej te njerëzit e afërt që më rrethojnë e mbushin me dashni, dhe gjithë ju që keni qenë gjithmonë me mua prej ditës 1. Ju dua” – ka shkruar Capital T.
