Duke marrë shkas nga Alban Ramosaj që vendosi të tërhiqej nga muzika ne na u kujtuan edhe disa emra që në një periudhë të caktuar vendosën të tërhiqeshin nga muzika… por që u rikthyen përsëri…
Stresi u largua në Spanjë për një periudhë kohe dhe tha se donte të merrte një pauzë nga showbizi. Ja çfarë shkruante ai asokohe:
“Dhe vjen një nga ato momete kur merr atë vendim të menduar prej kohësh, dëshiron të bësh diçka tjetër krejt ndryshe muzikës, larg botës mediatike e rrjeteve sociale! Kemi kaluar së bashku 8 vite të mrekullueshme, ishte një pasion, ëndërr e imja që doja të realizoja dhe e përjetova intensivisht falë jush. Nuk kam asnjë lloj pendimi, përkundrazi gjëra të reja e aventura të tjera na presin!”
Ledri Vula
Të njëjtën gjë bëri për një periudhë edhe Ledri Vula. Dikur faqja zyrtare e labelit BabaStars në Facebook, publikoi një fotomesazh të anëtarit tjetër të Skillz, Visarit, në të cilën konfirmohej largimi i Ledrit nga muzika.
“Pas një kohe sot u takova me mikun tim Ledrin. Pas shtatë viteve karrierë, Ledri ma dha lajmin që tash e tutje ai më nuk do të vazhdojë me muzikë. Po ndihem i obliguar t’ju sqaroj të gjithë juve që na keni përkrahur gjithmonë, se unë, Visari, do të vazhdoj me muzikën e Skillz. Me shumë dashuri, SkiviUndercover”, shkruhej asokohe në fotomesazh. Megjithatë Ledri u rikthye me këngën “100 probleme” një video të cilën e xhiroi në USA me prezencën e Angela Martinit, me të cilën u përfol se krijoi edhe një raport dashurie.
Luiz Ejlli
U shkëput nga muzika për një periudhë të gjatë kohe dhe u riktbye menjëherë pas përfundimit të Big Brother. Tani është një nga këngëtarët më të kërkuar të momentit.
Malda Susuri
Kanë kaluar vite që kur këngëtarja Malda Susuri preku zemrat e të gjithë të dashuruarve me hitin “Dashuri e hidhur”. Kënga u pëlqye dhe u memorizua aq shumë nga publiku, saqë të gjithë e dinë dhe e njohin edhe sot. Një muaj më parë ajo publikoi këngën ndryshe.
Skenës shqiptare i mungojnë gjithashtu emra si Ardit Gjebrea, Kaltrina Selimi, Adelina Ismaili, Bleona Qereti, Ledina Çelo, Anjeza Shahini, Vesa Luma, Big Basta, 2po2, etj që kanë kohë pa publikuar një këngë të re dhe ne mezi i presim.
