Sezoni i ri televiziv mbërriti dhe nuk kishte si të niste më bukur se sa me një “reality-show”. E kemi fjalën pikërisht për “Love Island Albania”, i cili nis transmetimin më datë 3 shtator (të dielën).
Vet Luana Vjollca, moderatorja e programit ka bërë dje me dije disa nga detajet e spektaklit më të ri. Ajo tha se konkurentët e parë tashmë janë përzgjedhur dhe mes tyre ka edhe personazhe të njohur për publikun. Luana shtoi gjithashtu se konkurentët nuk janë takuar ende me njëri-tjetrin, teksa ka zbuluar vetëm 1 nga 10 pjesëmarrësit e parë – influenceren Ilda Mema, e njohur në rrjete sociale.
Ndërkaq, ditën e sotme janë publikuar edhe disa nga ambientet e vilës ku do të qëndrojnë “ishullorët” (emërtimi i konkurentëve), ku mund të shihet oborri dhe ‘dhoma e ditarit’ që do të funksionojë si dhoma ku pjesëmarrësit do të ndajnë mendimet e tyre.
Ndërsa “ishullorët” do të jenë 24 orë nën vëzhgimin e kamerave, faqja zyrtare e “Love Island Albania” bën me dije një pjesë të rregullave, të cilat janë:
1. Ishullorët nuk lejohet të dinë orën.
2. Do të flenë në çift që në natën e parë.
3. Konsumimi i alkolit është i limituar.
4. Do të jenë 24 orë në monitorimin e kamerave.
