Ndërsa ditë pas dite jemi duke u njohur me konkurentët pjesëmarrës të sezonit të dytë të “Dancing with the stars Albania”, produksioni ka vendosur që t’a mbajë mister datën e nisjes së spektaklit, deri në një moment të dytë kur do të bëhet promo me të gjithë konkurentët.
Mirëpo, një prej konkurenteve, e cila konfirmoi sot pjesëmarrjen e saj në DWTSA, zbuloi padashje edhe datën e nisjes së spektaklit. Bëhet fjalë për Ina Kollçakun.
Ina, ka qenë e ftuar sot në studion e “Shqipëria Live” së bashku me partnerin e saj në kërcim Eltionin (a.k.a Toke) në lidhje direkte në “Skype”, për të konfirmuar pjesëmarrjen e saj në spektakël, si dhe për të treguar pak më shumë rreth ftesës nga produksioni dhe detaje të tjera.
Ndërsa moderatorët po pyesnin Token për Inën si po përshtatej Ina në kërcim, ai ka treguar se ka folur për këtë në një intervistë (referuar klipit para çdo kërcimi që bëjnë konkurentët) duke mos zbuluar detaje. Pikërisht në këtë moment, Ina ka treguar se publiku do e shohë më 6 Tetor, duke zbuluar kështu datën e nisjes së spektaklit.
Pra njerëz bëhuni gati!! Sfida e yjeve nis më 6 Tetor dhe do të zgjasë plot 3muaj.
