Ditën e sotme dy moderatorët e premierës së DWTS, ishin të ftuar në “Wake Up”, për të ndarë disa detaje të asaj që do ndodhte sot në nisjen e spektaklit.
Të pyetur nga moderatorët e “Wake Up” lidhur me surprizat e sotme, Bora foli për pjesëmarrjen e Luiz Ejllit në natën e sotme, ndërsa gazetari Eno Popi e vazhdoi më tej duke thënë me humor se do t’a shoqëronte fisi i gruas sot në skenë. (Lexo këtu)
Këtë “batutë” të Eno Popit, Luizi nuk e la pa përgjigje. Pas performancës së tij sot në DWTS, Eno nisi t’a pyesë për filmin, ndërsa Luizi iu kthye duke i thënë “I ftoj të gjithë të vijnë t’a shohin. Edhe fisin tënd…të gruas që i ke në Kanada”.
Ndërkaq, Eno Popi i është kthyer Luizit duke i thënë “Patjetër, se janë fansa të Oltës” – teksa kamera fokusoi Olta Gixharin e cila nuk dukej aspak e kënaqur nga këto batuta.
