Afërdita Paqarada, Miss-i i parë i Kosovës, ka treguar se ka kaluar disa sfida në jetën e saj. Në emisionin “Ftesë në 5” ka rrëfyer betejën me kancerin.
“Ishte shumë e vështirë t’u tregoje miqve, familjarëve, por akoma më e vështirë ishte t’u tregoja dy fëmijëve. Vajzës, Arbës nuk ia shpjegova me detaje se ishte e vogël, ndërsa djalit i bëra një premtim që do kthehesha shëndoshë e mirë”, u shpreh Paqarada.
Ajo u emocionua pasi dëgjoi edhe një videomesazh nga e motra, Isidora, e cila e përgëzoi për forcën dhe guximin gjatë përballjes me sëmundjen.
