Prej disa javësh, modelja Beniada Nishani ka treguar se ajo do të vijë shumë shpejt me një projekt muzikor. E pyetur nga moderatorja Argjira Spanca në natën finale të “She’s On Top” ku dhe zbuloi lajmin, Beniada tregoi se bëhet fjalë për një bashkëpunim me një artiste shqiptare, emrin e së cilës e la surprizë.
E me sa duket, puna për projektin e ri tashmë ka nisur. Së fundmi, Beniada ka ndarë disa momente në Instagram, në studion muzikore ku është duke punuar me projektin e saj të parë të këtij lloji.
“Diçka shumë e bukur po vjen” – shkruan Beniada në foton nga studioja muzikore në Kosovë. Për pak ditë, do të vijë dhe kënga e parë e Beniada Nishanit dhe ne jemi shumë kuriozë t’a dëgjojmë në projektin e saj të ri.
