Ndryshe nga herët e tjera ku vëmendja i përket e tëra të ftuarit, stafi i Afrona Dikës ‘e shndërroi’ episodin e fundit të podcast-it të saj në një intervistë për të.
Pasi zbuloi nëse do të lidhej sërish me një VIP, një tjetër mik dhe anëtar i stafit, Mallzimi i kërkoi të dinte a do të hynte në Big Brother VIP Kosova. Nga përgjigjja e Afronës, u duk se ekziston mundësia për të thënë “po”.
Mallzim: A do të kishe qejf të merrje pjesë në Big Brother VIP Kosova?
Afrona Dika: Big Brother VIP… unë njëherë kam marrë pjesë në një format të njëjtë, kjo ka qenë në 2012, domethënë kam një lloj eksperience në këtë format, kam marrë pjesë njëherë. Nuk e di, nuk mund ta them po ose jo, varet, s’e di. Unë jam një tip që e sfidoj veten dhe mund të gjendem kudo ku jam, qoftë një format i tillë apo në xhungël, unë jam një tip që e di se çfarë përfaqësoj dhe aty brenda ndoshta mund të kisha treguar një pjesë timen që shumë njerëz nuk e dinë, por nuk mund të them po ose jo. Varet.
