Duke qenë dy prej moderatoreve më të njohura dhe më të dashura për publikun shqiptar, Alketa Vejsiu dhe Arbana Osmani janë vënë shpesh “përballë” njëra tjetrës nga vetë publiku.
Ato shpesh janë parë si kundërshtare, duke qenë së punojnë edhe në televizione të ndryshme, ama vetë dy protagonistet kanë treguar se nuk kanë asgjë kundër njëra tjetrës.
Madje, tek ishte e ftuar pak ditë më parë në një intervistë, Arbana e përmendi Alketën si një nga moderatoret e saj të preferuara.
Nga ana tjetër edhe Alketa i ktheu një përgjigje dashamirëse publikisht.
Tek kishte organizuar një pyetësor me ndjekësit, një prej tyre i përmendi faktin që Arbana e kishte komplimentuar, ndërsa Alketa u përgjigj përmes një video.
“Po, m’u bë qejfi shumë në fakt. Unë ndaj të njëjtin mendim për të, gjithmonë e kam dashur këtë harmoninë mes kolegëve. Mendoj që është një nga vajzat më të afta të brezit tim, kemi të njëjtën histori fillesash edhe shumë herë të njëjtën ngjashmëri në pasionet për udhëtimet, për jetën. Kështu që e përshëndes shumë dhe i uroj shumë suksese Arbanës edhe të kthehet sa më parë se unë e di që i ka zemrat e publikut me vete gjithmonë“, u shpreh Alketa.