Fero ka dhënë intervistën e parë pas deklarimit të largimit përgjithmonë nga muzika. Ai ishte në fokus të medias dhe publikut kohët e fundit.
Fillimisht për arrestimin e tij pas denoncimit të bashkëshortes së tij Arbenitës, për dhunë në familje.Pas lirimit ai deklaroi se po lë muzikën pasi do t’i përkushtohet fesë islame.
I ftuar në “Kojshia Show”, ka ndarë më shumë rreth vendimit të tij, teksa ka treguar se është penduar për stilin e jetës që ka patur.Ndërkohë që gjatë intervistës iu kërkoi falje të gjithë personave që iu ka bërë padrejtësi, Fero u shpreh se tani e do bashkëshorten e tij 200 herë më shumë sesa më parë.
“E kam dashur nënën tim, e kam dashur familjen time. Ndoshta nuk kam ditur se si të sillem me familjen time me nënën tim dhe njerëzit, por islami tani më ka mësuar që të jem shembullorë. Tani që e kam kuptuar fenë tanë nëse nënë time e kam dashur një herë tani e dua 100 herë, nëse gruan time e kam dashur 2 herë tani e dua 200, nëse babin tim e kam dashur 3 herë tani e dua 300 herë. Çdo njeri që kam dashur një herë tani mu ka rritur edhe 100 herë dashuria për të”, është shprehur ai.
