Erjola Doci është një nga personazhet mjaft të pëlqyer dhe të komentuar nga publiku. Natyra e saj, mendimi pa ‘filtra’, dhe humori që e karakterizon e kanë bërë moderatoren e “Mos i bjer me Top” mjaft interesante në syte e publikut.
Mirëpo, një ngjarje aspak e këndshme i ka ndodhur sot Erjolës në emision, jo për herë të parë. Herë pas here, të ftuarve iu bëhet loja e gjarprit, kur në një moment të intervistës një gjarpër bie nga sipër në skenë.
Këtë herë loja iu bë Erik Lloshit, i cili nuk u tremb aspak, por kjo nuk mund të thuhet për Erjolën, e cila si gjithmonë nisi të ulërasë, e ndërsa loja vazhdoi, moderatorja u bë aq keq sa u desh të ndërpritej emisioni për pak momente, ndërsa reagimi i saj ka shkaktuar mjaft të qeshura.
