Flor Mumajesi është një ndër artistët më të dashur të publikut, i cili ka vendosur të bëjë pauzë nga muzika në rolin e këngëtarit, e megjithatë ai është ende “përgjegjës” për disa nga këngët më të mira që vazhdojnë e dalin, në rolin e producentit.
Së fundmi, me sa duket diçka ka ndodhu me Florin i cili ka bërë disa postime në profilin e tij zyrtar në Instagram, përmes të cilave ka lënë të nënkuptojë që dikush ka thyer besimin ose zemrën e tij. Fillimisht ai ka publikur një gotë të thyer, e cila është ngjitur me leukoplast dhe bashkëngjitur saj, shkruan:
“Eshtë ajo gota që po u thye, nuk e zëvëndëson më kurrë. Ja kështu e ngjisim sa herë ndodh.”
Në postimin pasardhës, ai ka publikuar një foto të një gote plastike, bashkangjitur së cilës shkruan:
“Ju prezantoj me zgjidhjen.”
Nuk e dimë me saktësi se çfarë ka ndodhur me Florin, por ajo që mund t’iu themi është se ndoshta shumë shpejt do e kemi sërish në ekran, e madje çdo ditë 24 orë, pasi ai është një ndër personazhet që po përflitet si banor i BBV 3 ose “shtëpisë pa tapi”, siç e quan vet Flor Mumajesi.
