Mbrëmja e sotme e DWTS do t’i dedikohet filmave të transmetuar në “Top-Channel” e “Digitalb”. “Digitalb Movie Night” do të jetë tema e mbrëmjes së sotme, ndërsa nuk kishte si të mungonte kolona zanore e filmit ikonik “Cuando seas mia”. (Kur të jesh e imja)
Për të gjithë ju që nuk e mbani mend titullin e telenovelës, ju kujtojmë që është telenovela me personazhe kryesore Diegon dhe Palomën, një nga telenovelat më të pëlqyera të viteve 2000, e cila erdhi si rikrijim i telenovelës “Aromë Gruaje” dhe u pasua më pas nga telenovela e ngjashme “Dashuri dhe Tekila” ose “Gaviota” siç e njohim të gjithë.
Për të gjithë ju që keni nostalgji për atë kohë, kjo është kolona zanore ikonike e telenovelës.
Kënga do të sillet në një kërcim “Rumba”, që do të performohet nga Ronaldo Sharka dhe partnerja e tij Frenki. Kështu që, bëhuni gati të shihni një Ronaldo të transformuar në “Diego”!! 😉
