Ronaldo Sharka është vendosur në qendër të vëmendjes që pas debatit që pati me Luizin dhe Kiarën, ku këtë të fundit e quajti njeri mosmirënjohës.
Ndërsa duket se gjërat mes tyre ishin qetësuar, Ronaldo ka hapur një “Ask me a question” ku ka folur me ndjekësit e tij, lidhur me këto situata ku shumica e pyetjeve ishin referuar këtyre personazheve.
“Të ka ndodhur që dikush të jetë mosmirënjohës ndaj teje? Si reagon?” – ka qenë një pyetje e një ndjekësi të tij ndërsa Ronaldo është përgjigjur duke thënë se vazhdon i mban akoma në Instagram.
Dhe mesa duket, është e vërtetë pasi Ronaldo dhe çifti Luiz-Kiara vijojnë të ndiqen në Instagram, edhe pas gjithë atij debati që ndodhi.
Nga ana tjetër, gazetari është pyetur nga dikush se si është marrëdhënia me Luizin – një pyetje së cilës Ronaldo i është përgjigjur me një foto të tyren duke u përqafuar e duke shkruar titullin e këngës së Luizit “Zjarr e ftohtë”. Mirëpo, mesa duket u pendua shpejt për këtë postim, pasi e fshiu pas pak.
Cila ishte arsyeja që e bëri t’a fshijë nuk e dimë. Megjithatë, nuk pati asnjë reagim nga ana e Luizit për “thumbat” e Ronaldos gjatë komunikimit të tij me ndjekësit.
