Ç’të ketë ndodhur që Luiz Ejlli është shfaqur në korridoret e një spitali?! Ka vetëm një përgjigje – “Në kuadër të dashurisë”.
Me foton e Luizit në një korridoret e një spitali, faqja e “Top Channel Films” ka vendosur të tregojë që datat se kur do të shfaqet filmi në kinema, do të bëhen shumë shpejt publike.
Premiera e filmit komedi romantike ‘Në kuadër të dashurisë’ do të publikohet më shpejt nga sa mendonit. Top channel ka sjellë një kronologji të historisë, e cila do të përcjellë për publikun, lot dhe të qeshura pafund.
“Në kuadër të dashurisë” shfaq një histori dashurie në kohët moderne që ndërlidh jetët e dy njerëzve dhe të familjeve të tyre. Surprizat nuk do të kenë fund dhe fundja, e kush nuk do të ishte kuriozë që të shihte si çift ‘dy armiq të përbetuar’ si Luiz Ejlli dhe Olta Gixhari?!
Një çift i martuar prej vitesh janë në buzë të ndarjes. E ndërsa gatisin letrat e divorcit, një ftesë i’u vjen nga mamaja e vajzës për një festë surprizë ditëlindjeje. Të gjendur para sikletit, çifti vendos të lënë Tiranën, e të nisen në Korçë, në këtë vizitë e cila bashkon familjet e të dyja palëve. Pikërisht kjo vizitë do t’i tregojë atyre të vërteta të hidhura për veten dhe njerëzit e afërt duke bërë të ri-mendojnë edhe njëherë gjithçka.
A do të triumfojë dashuria? Çfarë është në gjendje të bëjë njeriu ‘në kuadër të dashurisë’?! Këtë do t’a mësojmë shumë shpejt….
