Dafina Zeqiri është padyshim një nga artistet më të pëlqyera të muzikës në Shqipëri dhe artistja më e kërkuar e kësaj vere. Me shumë hite të reja këtë verë, koncerte çdo natë, këngëtarja arriti të grumbullojë plot 97 Milionë klikime vetëm për këtë sezon.
Mirëpo, si ka qenë Dafina në fillimet e saj? XL Social Media iu tregon një video të Dafinës, pasi fitoi një çmim në këngën e saj të parë, në bashkëpunim me Hekuran Krasniqin. Teksa ngjitet në skenë, ajo nuk harron të falenderojë literalisht çdo njeri të mundshëm dhe prej emocioneve arrin të thotë vetëm faleminderit.
Nëse nuk i njohët, në sallë janë të pranishëm edhe Lyrical Son, së bashku me Ledri Vulën, të cilët qeshin gjatë gjithë kohës me falenderimet e Dafinës, me të cilët asokohe këngëtarja gëzonte një miqësi shumë të mirë.
Ka kaluar shumë kohë që nga ai moment, dhe sot Dafina arrin të mbajë “kurorën” e më të preferuarës së publikut. Për të gjithë ju që nuk e keni dëgjuar më parë, po ua vendosim këtu bashkëpunimin e Dafinës me Hekuran Krasniqin. Pjesa tjetër?! Është histori! ❤️
