Ish-banorja e “Big Brother Vip Kosova”, Alba Vukaj, do të rikthehet në televizion. Pas eksperiencës së saj në reality show, Alba mori një periudhë pauze, ndërsa tani duket gati për të nisur një aventurë të re. Asaj i është besuar prezantimi i emisionit “Era Verë” në T7.
Lajmi është zbuluar në promon e emisionit, ku Alba shfaqet elegante dhe shumë seksi si gjithmonë.
Ky është edicioni i tretë i “Era Verë”, emision që përfshin intervista në studio dhe shumë rubrika përmes së cilave do të promovohen bukuritë e Kosovës.
“Era Verë” nis të premten në orën 20:10 dhe do të transmetohet çdo ditë, nga e hëna në të premte.
