Nëse menduat se juria e këtij viti në “Dancing with the stars Albania”, do ishte me 4 anëtarë, gaboheni! Edhe Salsano Rrapi do i bashkohet jurisë së DWTSA.
Këtë e ka konfirmuar vet aktori, përmes një postimi në Instagram. “Zbulohet anëtari i 5-të i jurisë së Dancing” – shkruan aktori në postimin e tij.
Jo vetëm kaq, por ai ka marrë mbështetjen edhe të kolegëve të tij të “Portokallisë”. Moderatorja Fjoralba Ponari dhe aktorja Albana Perhati, i kanë uruar suksese kolegut të tyre, përmes postimeve në Instastory.
E besoni ju këtë?! As ne. :p
Por, mesa duket “Portokalli” ka vendosur t’a nisë sezonin e ri një ditë para, duke bërë “lëmsh” rrjetin.
Megjithatë, Salsano ka partneren e tij të sezonit të kaluar të DWTSA pjesë të jurisë, balerinën Lori Bala, së bashku me Ilir Shaqirin, Olta Gixharin dhe Valbona Selimllarin. Sa i përket Salsanos, do e shohim nesër në nisjen e sezonin të ri të “Portokalli” – ndoshta aty do e kemi anëtar jurie! 😉
Suksese në sezonin e 40 të “Portokalli” ! 🙂
