Ndërsa mbetemi në pritje të fillimit të edicionit të dytë të “Dancing with the stars Albania”, pak nga pak po zbulohen edhe konkurentët pjesëmarrës të spektaklit.
Sikurse ju kemi bërë me dije më parë për këta dy personazhe, sot ata e kanë konfirmuar edhe vet pjesëmarrjen në DWTSA.
I pari është gazetari Eni Shehu, i cili ka konfirmuar pjesëmarrjen e tij me anë të një postimi nga provat në Instastory, ndërsa më pas është konfirmuar pjesëmarrja e tij edhe nga faqja zyrtare e DWTSA, së bashku me partneren e tij të kërcimit,që do e shoqërojë përgjatë rrugëtimit të tij, balerina profesioniste Odeta.
I dyti, është këngëtari Sardi Strugaj, një prej zërave më të dashur të muzikës shqiptare. Në një intervistë për “Wake-Up”, Sardi gjithashtu ka konfirmuar pjesëmarrjen e tij në spektakël sot.
Kështu, deri tani kemi emra të konfirmuar për DWTSA : Saimir Korreshi, Enxhi Nasufi, Atalanta Kërcyku, Sara Karaj, Armaldo Kllogjeri, Arnita Beqiraj, Juliana Nura, Ina Kollçaku, Filloreta Raçi, Sardi Strugaj, Eni Shehu – ndërsa, “XL Social Media” ju bëri me dije dje se spektakli i kërcimit nis më datë 6 Tetor, nën moderimin e Bora Zemanit dhe me gjykimin e jurisë profesioniste nga: Ilir Shaqiri, Olta Gixhari, Lori Bala dhe Valbona Selimllari.
