Olta Gixhari krijoi jo pak zhurmë me veprimin e saj në puntatën e fundit të “Dancing With The Stars”.
Teksa po vlerësohej nga juria një prej çifteve konkurrues, Olta ndërhyri për t’u marrë më shumë me këngët që u vendosen çifteve.
Olta tha se duhet të vendosen më shumë këngë shqip për kërcimet, duke sugjeruar më tej atë të Luana Vjollcës, “Benzina”.
Kjo shkaktoi të qeshura te të pranishmit, ndërsa më pas Olta e vendosi këngën nga telefoni i saj që ta dëgjonin të gjithë.
Këtu ndërhyri moderatorja Bora Zemani, e cila tha se nga javët në vazhdim, do të ketë më shumë këngë shqip.
Veprimi i aktores u komentua jo pak në publik dhe u mor si një ‘thumb’ ndaj Luanës.
Ndërsa sot, pikërisht Luana ka bërë një reagim në rrjetin social, Instagram.
Teksa ka postuar një video të sajën, ku shkruan, “Kujt i mungova?”, ajo ka vendosur në sfond këngën “Benzina”.
Madje jo vetëm kaq, por moderatorja ka postuar një seri të tërë me shumë Instastory me të njëjtën këngë në sfondë, teksa ndan momente nga prapaskenat dhe nata finale e “Love Island Albania” me gjithë ekipin e saj.
Epo, le të themi që Luana ua “përplasi” në fytyrë suksesin e saj si moderatore “live” aq shumë të komentuar pozitivsht në rrjet, duke i hedhur “benzinë zjarrit”.