Teksa “Love Island Albania” po bëhet gati të hapë dyert e dashurisë në vilën më luksoze në Palasë, më datë 3 shtator (të dielën), edhe konkurentet ose siç do i quajmë në vazhdim “ishullorët”, po bëhen të ditur pak nga pak.
Faqja zyrtare e “LIA” (shkurtim për Love Island Albania), ka prezantuar sot konkurenten e tretë të formatit. Një vajzë e rritur në Angli, e cila e njeh mjaft mirë formulën e programit, pasi është rritur duke e ndjekur këtë emision në Angli.
Ishullorja quhet Artemis Popllo dhe do të jetë një nga 10 konkurentët e parë që do t’i bashkohen vilës.
Kujtojmë se tashmë janë zbuluar edhe dy konkurentë të tjerë – Ilda Mema, e cila është e njohur për rrjetet sociale, si dhe Aleksandros Lushaj, i cili ka qenë pjesë e këtij formati vitin e kaluar në Greqi.
