Ledri Vula, Elvana Gjata, Dhurata Dora, Yll Limani, Varrosi, Ghali, Elai, Era Istrefi, Ravanny, Mc Kresha, Lyrical Son, Buta, BM, Stine, Rudi, Mr Elvis, West Side Family, Stresi, Elgit Doda, janë artistët që do të performojnë në koncertin e Noizy-t.
Por nëse e shihni me kujdes listën mungon Luiz Ejlli. Pas daljes së tij nga “BBV” Noizy dhe Luizi u shfaqen bashkë në koncert, ku u bënë edhe premtime të mëdha, si bashkëpunime midis tyre e shumë të tjera.
Mirëpo deri tani nuk kemi parë asgjë. Dhe kjo, jo nga mungesa e kohës nga palët besojmë, pasi të dy kanë sjellë projekte gjatë kësaj kohe. Madje Luizi konfirmoi edhe bashkëpunimin e tij të parë me “rivalin” e Noizy-t, Getoar Selimin.
Nga ana tjetër, Luizi është shprehur për Getoarin se kur bën ai këngë, artistët e tjerë ngelen pas e mendojnë se çfarë do bëjnë. Me sa duket, ky raport i Getit dhe Luizit, Noizyt nuk i ka pëlqyer aspak dhe ka vendosur të mos e bëjë pjesë të koncertit të tij.
