Me mbylljen e sezonit televiziv, u mbyll edhe transmetimi i emisionit të humorit “Klanifornia” në TV Klan. Tani që aktorët e humorit të këtij formati, janë jashtë televizionit, lajmet kanë filluar të qarkullojnë se ku do të shohim tani aktorët e “Klanifornia”- s.
Lidhur me këto lajme, ditën e djeshme qarkulloi lajmi se dy prej aktorëve, Visjani dhe Cubi, do të kalojnë në “Portokalli” në televizionin e Top-Channel. Ndërsa, lajmi është përhapur në rrjet, një reagim ka ardhur nga Cubi, e cila përmes një postimi në Instastory, ajo ka shpërndarë lajmin me titull “Cubin dhe Visjanin do t’i shihni në Portokalli”.
Krahas lajmit që ka shpërndarë, aktorja shkruan “Ose në Big Brother Vip”.
Nuk dihet nëse ajo që shkruan Cubi, ka qenë për humor, ose nëse vërtet po e mendon formatin e BBV apo ka marrë ftesën për të qenë pjesë dhe nëse po, me apo pa aktorin tjetër, Visjan Ukcenaj, por na mbetet të presim sezonin e ri tashmë. Nëse në tetor nuk do të jenë në “Portokalli”, me shumë mundësi do e dimë ku do t’i shohim! 🙂
