Suksesi i filmit “Në kuadër të dashurisë” nuk ndalet! Data 9 Tetor shënoi një ditë të rëndësishme për të gjithë, aktorët, stafin, por dhe të gjithë publikun që e kishte pritur me padurim.
Filmi vazhdon të shfaqet ende në kinematë Cineplexx dhe Millenium në Tiranë dhe ka një radhë të madhe njerëzish që duan ta shohin. Po ashtu “Në kuadër të dashurisë” pati premierën dhe në qytetin e Korçës ku interesi vazhdon të jetë i madh.
E tani është shënuar një tjetër sukses! Filmi “Në kuadër të dashurisë” ka thyer një rekord me 15 mijë bileta të shitura vetëm në pak ditë, në Pallatin e Kongreseve, Cineplexx, Millenium dhe tashmë në Korçë. Ky numër vetëm sa do të vazhdojë të rritet me shfaqjet e filmit në vende të tjera, si në Shqipëri, ashtu dhe jashtë territorit!
Përpos rekordit dhe suksesit, së shpejti “Në kuadër të dashurisë” vjen me një surprizë! Për të gjithë adhuruesit e filmit, ju njoftojmë se është duke u përgatitur një dokumentar për filmin, për gjithë prapaskenat, momentet nga shesh xhirimi, përjetimet e aktorëv, realizimi i filmit dhe çdo detaj i mundshëm lidhur me filmin.
Kështu që, bëhuni gati për një “Në kuadër të dashurisë” edhe më unik përmes dokumentarit, i cili pritet të publikohet shumë shpejt!
