Big Brother Vip Albania 3 do të nisë transmetimin në ekranin e Top Channel nga e shtuna e datës 13 Janar, sipas burimeve të “Vip Magazine”.
Mësohet se spektakli shumë i ndjekur nga publiku shqiptar këtë sezon do të vijë me një koncept tërësisht ndryshe që nga drejtimi që këtë vit i besohet Ledion Liços e deri te ambientet e rinovuara të shtëpisë – detaje të cilat kanë nisur të zbulohen që nga logoja e re e deri ndryshimi nga ngjyra blu në gold e logos.
Po ashtu edhe studio do të rikonceptohet. Deri më tani janë disa personazhe që janë përfolur që do të jenë pjesë e këtij formati, si Romeo Veshaj, Adelina Tahiri, Olsi Bylyku, Meriton Mjekiqi etj.
