Edhe pse Olta është një nga personazhet më të komentuar të momentit, ajo është treguar gjithnjë mjaft e kujdesshme që të mos e bëjë publik fytyrën e bashkëshortit të saj, Dorit – kjo për arsye se ai vet e urren të jetë një personazh publik.
E megjithatë, kjo është mjaft e vështirë kur je partneri i një prej personazheve më të komentuar të momentit. Kështu, para disa javësh, në rrjet qarkulloi një video e Oltës me bashkëshortin e saj në aeroport, teksa niseshin për udhëtimin e tyre të radhës në Itali.
Me sa duket, kjo gjë burrit të Oltës, nuk i ka pëlqyer aspak e madje Olta na tregoi se ai është mërzitur shumë për këtë video, ndonëse vet aktorja e ka marrë me sportivitet.
Në një komunikim të fundit që Olta ka patur me ndjekësit e saj në Instagram, ajo është pyetur nëse edhe Dori do të jetë i pranishëm në premierën e filmit “Në kuadër të dashurisë”, që do të mbahet për pak ditë. Aktorja ka treguar se Dori nuk do të jetë i pranishëm në premierë, sepse nuk do të bëhet sërish publik, si herën e fundit.
“Nuk besoj se do të jetë në premierë, sepse nuk do të jetë fytyrë publike, po përpiqemi shumë për këtë por vetëm kur e shohim vetem çift viral në aeroport. Unë qesh po Dori u bë tym” – ka treguar Olta.
Në fakt, me të drejtë pasi ka zgjedhur të mos jetë personazh publik!
