Teksa ‘zhurma’ e krijuar nga “Big Brother Vip 2” ende nuk përfunduar, produksioni tashmë është duke përgatitur listën e banorëve të BBV3, i cili sipas një interviste të Ledion Licos, u tha se shtëpia më e famshme në Shqipëri, do të hapë dyert në janar të 2024.
E megjithatë, supozimet për banorët e mundshëm kanë nisur që tani, ashtu sikurse nuk kanë munguar as ‘ngacmimet’ e disa personazheve të famshëm lidhur me spektaklin.
Së fundmi, ka qenë Flor Mumajesi i cili ka postuar në Instastory një foto të Klajdi Harunit, ku shkruan:
“Fifi, një nga instruksionet më të rëndësishëm nga mjeshtri i madh Klajd Haruni. Provat e fundit para hyrjes në shtëpinë pa tapi. Po, Arbana”
Kjo, është një video e vjetër para se Fifi të hynte në shtëpinë e BBV në edicionin e tij të parë. Por, pyetja është pse Flori Mumajesi u kujtua tani për këtë video?
Mos vallë sepse do të jetë banor i BBV3, apo do të jetë Klajd Haruni? Ose ndoshta të dy – këtë nuk mund t’a dimë me siguri, edhe pse do donim t’a shihnim dyshen në edicionin e ri.
Ndërkohë, edhe reperi Ledri Vula tha në një intervistë se zgjedhjen do t’ia linte publikut të tij në dorë, nëse do apo jo të jetë pjesëmarrës në BBV3.
Gjithashtu, edhe Meriton Mjekiqi ka thënë në intervistën me Luiz Ejllin, që i është dërguar ftesa për të marrë pjesë që në edicionin e dytë, por nuk e ka pranuar vetëm se atëherë ishte mesi i lojës dhe kishte parë popullaritetin që kishte fituar Luizi, kështu që me shumë mundësi do e shohim në BBV3!
