Dita e djeshme duket se ka bërë bashkë sërish Luiz Ejllin dhe Elvis Pupën. Përveçse një takim miqësor, duket se mes tyre diçka më shumë po “gatuhet” dhe këtë na e tregoi edhe Luiz Ejlli, duke lënë të “rrjedhin” hamendësimet e fansave të tij.
Por, a bëhet fjalë për një projekt mes tyre? Së fundmi, dyshja Luiz-Elvis kanë postuar foto në rrjetet sociale, ku duket edhe Petrina – menaxherja e Luizit, Santiana – një nga modelet e “She’s On Top” , si dhe Xhulian Shabani – nga Synopsis Ads, i cili merret me videoklipet e këngëve të Luizit.
Duke marrë parasysh që klipi i Luizit po përgatitet nga Xhulian Shabani, si dhe në foto është edhe modelja, ndërsa vet Luizi ka thënë po ju lë të hamendësoni dhe pak, mos ndoshta Vis Pupa është personazhi shumë i dashur për publikun, që Luizi tha se do të jetë pjesë e klipit të tij?
Epo, me sa duket po, pasi fotoja e Elvis Pupës me Xhulian Shabanin është bërë në Karavasta, ku po xhirohet edhe klipi i këngës së re të Luizit, teksa dhe vet Xhuliani ka treguar se bëhet fjalë për “projektin surprizë”. Epo, misteri u zgjidh! 🙂
