Juliana Nura ka dhënë një intervistë për “Onima” ku ka trajtuar temat e Big Brother VIP Kosova 3, kandidimin për deputete si dhe foli më shumë rreth sipërmarrjes së saj në biznes ku po hap një fabrikë pitesh.
Përpara nisjes së Big Brother VIP Kosova, ka pasur lajme se roli i opinionistes këtë vit mund t’i përkiste Xhulit. Ajo nuk i mohoi aspak fjalët, por tha se nuk ka qenë momenti i duhur pikërisht për shkak të angazhimeve, megjithatë nuk përjashton asnjë ofertë për të ardhmen.
“Po, ka pasur aludime, për një kohë diskutime por s’ka qenë koha e duhur, momenti i duhur që këtë vit të jem unë opinioniste sepse unë kam edhe angazhime të tjera, jam duke hapur një fabrikë të tërë, kam shumë punë të tjera këto 3-4 muaj sesa të futem në Big Brother.
Ju e dini që kur marr një punë, e çoj deri në fund, e marr 100% seriozisht ose s’e marr fare. Duke ditur që jam duke hapur edhe fabrikë, janë zgjedhjet, jam e përfshirë edhe në mendimet e politikës, edhe me punëtorë, edhe për të nxjerrë një produkt të ri në gjithë tregun e Kosovës, janë edhe shumë para. Nuk dua që asnjë përqind të energjisë që ia jap fabrikës dhe angazhimeve të tjera, e kam anashkaluar mundësinë për të qenë opinioniste në Big Brother, por kjo nuk do të thotë që ndoshta nuk jam vitin tjetër ose nëse më vjen një ofertë, nuk e përjashtoj mundësinë.
Sa u përket opinionistëve të këtij edicioni, Milaim Zekës dhe Olta Gixharit, duke u ndalur më shumë te kjo e fundit, Xhuli evidentoi problemin që ka vënë re. Ajo shprehu simpati për Einxhel Shkirën, e cila gjithashtu u përfol se do të merrte rolin e opinionistes.
“Të dy janë shumë të mirë se nuk janë kot në atë vend, por unë mendoj që ne si shqiptarë të Kosovës, ndryshe nga Shqipëria, gjithmonë duhet të kemi një opinionist nga Shqipëria. Duke e ditur që kolltuku më shumë do t’i kishte hije Einxhel Shkirës që e përgëzoj për aftësinë që ka, mënyrën si flet, është shumë e gatshme dhe logjika i punon shumë mirë, është e gatshme të replikojë ashtu siç duhet, unë të paktën mendoj kështu për Einxhelin.
Fatkeqësisht nuk u bë mundësia e opinionistes, nuk e di ç’ka ndodhur, por Olta është duke e bërë punën, këto dy ditë që kam parë, sa di. Është e mirë, por nuk e kupton edukatën, kulturën, zhargonin tonë, nuk e kupton gjuhën ndoshta shumë mirë sepse ne flasim pak më ndryshe sesa në Shqipëri dhe kemi disa fjali ndër rreshta që ajo nuk i kupton.“